Tereza Mey Səudiyyə Ərəbistanına səfəri zamanı baş örtüyündən imtina edib
05.04.2017 881 0
Böyük Britaniyanın baş naziri Tereza Mey Səudiyyə Ərəbistanına səfəri zamanı XİN-nin təlimatına məhəl qoymayaraq, baş örtüyündən imtina edib.
“The Independent”ə istinadən verilən xəbərə görə, XİN ekspertləri T.Meyə ənənəvi ərəb donu və ləçəyi geyinməyi məsləhət görüblər. Lakin hökumət rəhbəri yerli ənənəyə əməl etməyəcəyini bildirib.
“Ümid edirəm ki, xalq mənim simamda lider görərək, qadının nəyə nail ola biləcəyini anlayacaq”, - deyə Mey qeyd edib.
Nəşr qeyd edir ki, Səudiyyə Ərəbistanının qanunvericilində əcnəbilərin baş örtüyündən istifadənin icbariliyini göstərən bənd yoxdur. Lakin, əcnəbilər adətən müsəlman adətlərinin sərt qaydalarını pozmamağa çalışırlar. /apa/
Digər xəbərlər:
Bu gün xəbər əlavə olunmayıb.
Şərhlər