Faytonçu Nazim xərçəng xəstəliyindən əziyyət çəkməsi ilə bağlı gəzən xəbərləri təkzib edib. Günü-gündən arıqlayıb bir dəri, bir sümük olan müğənni bildirib ki, onu bu hala azərbaycanlı həkimlər salıb:
Qazeta.info xəbər verir ki, müğənni big.az-a "Həkimlərin səhv əməliyyatlarına görə bu qədər çəki itirdim. Azərbaycanda məni bu hala saldıqlarına görə öz həkimlərimizə etibar etmədim, İsrailə üz tutdum. Lakin orada da dərdimə bir çarə tapılmadı. Son olaraq Türkiyəyə yollandım. 3 ay ərzində bir neçə əməliyyat keçirdim. Ən ağırı isə öd kisəsindən keçirtdiyim əməliyyat oldu. İndi vəziyyətim normaldır. İtirdiyim çəkini yavaş-yavaş geri alıram" deyə bildirib.
Faytonçu Nazim söhbəti zamanı giley edib ki, ona bu ağır günlərində bəzi dost-tanışı arxa durmayıb:
"Xəstəliyimlə bağlı bir çox xəstəxanalarda yatdım. Bütün xəstəxana xərclərini özüm ödədim. Başqaları mənə maddi yardım etmədi".
