Gümrüdə bir ailənin qətl etməkdə şübhəli bilinən Valeri Permyakov Ermənistana təslim edilməyəcək.
Məlumata görə Ermənistan Respublikasının Baş prokurorluğu belə bir açıqlama yayıb.
Prokurorluğun məlumatında bildirilir ki, "Ermənistan və Rusiya Prokurorluqları Gümrüdə dünən baş verən cinayəti ətraflı şəkildə müzakirə ediblər. Hər iki tərəf günahkarın qanununla cəzalandırılması lazım olduğunun bildirsədə şübhəli Valeri Pavloviç Permyakov, Rusiya vətəndaşıdır və Rusiya orqan nümayəndələrinin nəzarətində olduğu üçün Rusiya Federasiyası Konstitusiyası əks olunan müvafiq qanuna görə cəzalandırılmalıdır.Permyakovun Erməni məhkəmə orqanlarına təslim olunması mövzusu nəzərdə tutulmur."
Bildirək ki, yanvarın 12-də Gümrü şəhərində Avetisyanlar ailəsi güllələnib. Ölənlər arasında 2 yaşlı körpənin olduğu bildirilir. Daha bir uşaq hazırda reanimasiyadadır. Cinayəti törətməkdə Gümrüdə yerləşən Rusiyanın 102-ci hərbi bazasının əsgəri Valeri Permyakov şübhəli bilinir. O, Ermənistan-Türkiyə sərhədini keçmək istəyərkən Rusiya sərhədçiləri tərəfindən saxlanılıb.
