Tarix: 11.12.2016,   Saat: 00:20, Bazar.          

Akif Çovdarovun işində zərərçəkmiş şirkət rəhbəri bəraət istəyib

Bu gün Bakı Ağır Cinayətlər Məhkəməsində dələduzluqda təqsirləndirilən “Real MTK”-nın təsisçisi və rəhbəri İlham Qasımovun cinayət işi üzrə məhkəmə prosesi davam etdirilib.

 

Məlumata görə, hakim Zeynal Ağayevin sədrliyi ilə keçirilən iclasda İ. Qasımovun vəkili çıxış edərək onun barəsində bəraət hökmünün çıxarılmasını istəyib. İ. Qasımov isə son sözündə müdafiəçisi ilə razı olduğunu deyib.

 

Proses qeyri-müəyyən vaxtadək təxirə salınıb.

 

Qeyd edək ki, prokuror təqsirləndirilən şəxsin 13 il müddətinə azadlıqdan məhrum edilməsini istəyib. İ. Qasımov bu ilin iyun ayında saxlanılıb. O, Cinayət Məcəlləsinin 178.3.2-ci (dələduzluq, külli miqdarda), 308.2-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə təqsirli bilinir. İ. Qasımov ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun işində zərərçəkmiş kimi tanınır./apa/



  Bölmə: Ölkə | Baxış sayı: 356 | Tarix: 25.11.2016, 12:59


Xəbərlər