Dövlət Sərhəd Xidməti tərəfindən narkotik vasitələrin qanunsuz
dövriyyəsi və qaçaqmalçılığa qarşı mübarizə tədbirləri nəticəsində külli
miqdarda narkotik vasitəni dövlət sərhədindən keçirməyə cəhd edən qrup
ifşa edilib.
Belə ki, cari ilin mart ayının 5-də saat 24:00 radələrində Cəlilabad rayonu
Dələli kənd ərazisindəki sərhəd zastavanın xidməti sahəsində həyata
keçirilən əməliyyat-axtarış tədbiri nəticəsində Dövlət Sərhəd Xidmətinin
əməkdaşları qaçaqmalçılıq yolu ilə dövlət sərhədindən narkotik maddələri
keçirən Salyan rayon sakinləri Hüseynov Rövşən Balaqardaş oğlunu və
Mirzəyev Təlatun Abdul oğlunu “Mercedes” markalı Az-99-NN-353
nömrə nişanlı avtomaşınla birlikdə saxlamışlar. Dövlət Sərhəd Xidməti
əməkdaşlarının qanuni tələblərinə məhəl qoymayaraq gözyaşardıcı qazdan
istifadə etməklə hadisə yerindən qaçmağa cəhd göstərən şəxslər
sərhədçilərin qətiyyətli hərəkətləri sayəsində yaxalanmışlar.
Saxlanılmış şəxslərin üzərlərinə baxış keçirilərkən 4 kiloqram tiryək, 4
ədəd mobil telefon, 1 ədəd gözyaşardıcı qaz balonu aşkar edilərək
götürülüb.
Faktla bağlı Dövlət Sərhəd Xidmətinin İstintaq və Təhqiqat İdarəsi
tərəfindən Azərbaycan Respublikası CM-in 318 (dövlət sərhədini
qanunsuz keçmə), 206 (qaçaqmalçılıq), 234 (narkotik vasitələrin qanunsuz
dövriyyəsi) maddələri ilə cinayət işi başlanmış, həmin cinayətin
iştirakçılarına qeyd olunan maddələrlə ittiham elan edilərək barələrində
məhkəmənin qərarı ilə həbs qətimkan tədbiri seçilb.
Cinayəti törətmiş digər iştirakçıların müəyyən edilərək məsuliyyətə cəlb
olunması məqsədilə əməliyyat-axtarış və istintaq tədbirləri davam etdirilir.
Əlavə olaraq bildirək ki, bu gün yuxarıda qeyd edilən məsələ ilə əlaqədar
virtualaz.org saytıda məlumat yayıb.Saytın verdiyi məlumata
görə, qaçaqmalçılıq yolu ilə dövlət sərhədindən narkotik maddələri
keçirən Salyan rayonunun Kürqaraqaşlı kənd sakini olan 1968-
ci il təvəllüdlü Rövşən Balaqardaş oğlu Hüseynov həbs olunana kimi Kənd Təsərrüfatı Naziriliyi “Aqrolizinq” ASC-nin Salyan filialının rəhbəri işləyib. Bildirək ki, R.Hüseynov barəsində Səbayel Rayon
Məhkəməsinin qərarı ilə 4 aylıq həbs-qətimkan tədbiri seçilib. O, hazırda
Kürdəxanı İstintaq Təcridxanasında saxlanılır. R.Hüseynovla bərabər
saxlanılan digər şəxsə - Təlatun Mirzəyevə gəlincə isə o da rayonda vəzifə
sahibi olub. Belə ki, O, 2004-2005-ci illərdə “Azərpoçt” İstehsalat Birliyinin Salyan rayon şöbəsinin müdiri olub.