Nardaran hadisəsi zamanı ölən kənd sakinlərinin cənazələri dəfn olundu
05.12.2015 577 0
Noyabrın 26-da Nardaran qəsəbəsində polisə silahlı müqavimət göstərərkən ölənlərin cənazələri bu gün ailələrinə təhvil verilib.
Bu barədə hadisə nəticəsində ölən Əkbər Babayevin atası Nazim Babayev məlumat verib.
Onun bildirdiyinə görə, bu gün günörta saatlarında onları Sabunçu Rayon Polis İdarəsinə dəvət ediblər və cənazələrin dəfninə icazə verilib: "Polis idarəsindən bizə bildirdilər ki, cənazələri Göy Məsciddən götürə bilərik. Biz də məscidə getdik, 4 nəfər yaxınımızın cənazəsini gətirib axşamüstü Nardaran qəbirstanlığında dəfn etdik".
Xatırladaq ki, hadisə nəticəsində polisə müqavimət göstərən dəstənin üzvlərindən Abbas Hüseyn, Sərvan Səfərov, Əkbər Babayev, Fərahim və Rəfael Bünyatov qardaşları ölüb. /apa/
Digər xəbərlər:
Bu gün xəbər əlavə olunmayıb.
Şərhlər