Nar şirəsi çox xeyirli müalicəvi məhsuldur.
SaqlamHeyat.az xarici mətbuata istinadən xəbər verir ki, nar şirəsinin tərkibi müxtəlif faydalı maddələrlə olduqca zəngindir. Burada С, В1, В2, А, Е, РР, orqanik turşular, aminturşuları və s. kimi xeyirli maddələr var.
Nar şirəsindən hipertoniya xəstəliyində, eləcə də ürək ağrılarında istifadə olunur. Nar şərbəti döş ağrıları zamanı öskürək dərmanı kimi də qəbul etmək olar. Xalq təbabətində nar şirəsindən yel xəstəliyində sürtmə dərmanı kimi işlədilir. Nar ağacının kökünü qurudaraq toz halına salıb, onu əzvayla bərabər miqdarda qarışdırırlar, sonra çıxıqlarda, əziklərdə təpitmə şəklində ağrıkəsici kimi işlədirlər.
Nar qabıqlarını və çiçəklərini çay kimi dəmləyib, boğaz ağrılarında, angina, diş ətinin iltihabı xəstəlikləri zamanı antiseptik qarqara dərmanı kimi istifadə edirlər.
Narın başqa bilmədiyimiz faydaları...
- Nar qızdırmanı, yorğunluğu aradan qaldırır, bədənə enerji verir, ürəyi, mədəni və diş ətini qüvvətləndirir. Mədə iltihabı və ağız yarası üçün faydalıdır, immunitet sistemini gücləndirir, orqanizmi xərçəng xəstəliyindən qoruyur. Nar təzyiqi aşağı salır, damar sərtliyinin qarşısını alır. Bu xüsusiyyətlərinə görə nar ürək-damar xəstəliklərinə qarşı ən yaxşı qoruyucu vasitə hesab olunur. Nar dəri üçün də faydalıdır.
- Narın qabıqlarından çay dəmləyib içilərsə, ishalı kəsir, bağırsaq qurdlarını tökür, dənələrini örtən pərdə isə həzmi asanlaşdırır.
- Hər gün nar suyu içmək insanın bel nayihəsindəki yağların əriməsinə səbəb olur.
- Damarlarda yaranan tıxanıqlıqda faydalıdır. İnsanlar üzərində aparılan araşdırmada 2 həftə ərzində gündə 50 ml nar suyunun təzyiqi artıran səbəbləri 36 faiz azaltdığı bəlli olub.
- Bir fincan nar suyu 10 fincan yaşıl çaya bərabərdir.
- Narın tərkibində xərçəngə qarşı müdafiə özəlliyinə sahib olan antioksidanlar var. Şirədəki adıçəkilən maddə qırmzı şərab, yaşıl çay, portağal şirəsindəki ilə müqayisədə 3 dəfə çoxdur.
- Nar bədəni və qəlbi qüvvətləndirir.
- Şirin nar mədənin fəaliyyətini gücləndirir, turş nar isə mədədə olan yanma hissini aradan qaldırır.
- Nar həm boğaza, həm də ağciyərə faydalıdır, öskürəyi kəsmək qabiliyyətinə malikdir.
- Dırnaq iltihabı və cərrahi yaraların müalicəsində nar tumunun balla birlikdə qarışdırılaraq əldə edilən məlhəmindən istifadə məsləhət görülür.
- Ürəyin ən gözəl dərmanı 1 stəkan nar suyudur..
- Ən çox mədə-bağırsaq xəstəlikləri zamani istifadə edilir, nar boğaz, sinə, ağ ciyərlər üçün önəmlidir, öskürəkdən şikayəti olanlar ondan istifadə edə bilərlər.
- Nar meyvəsinin suyu bağırsaqları yumşaldır.
- Mədə iltihabına qarşı çox faydalıdır.İshalı saxlayır və ürəkbulanmanı aradan qaldırır.
- Nar suyu orqanları gücləndirici xarakterə malikdir.
- Gözdəki sarılığı aradan götürmək üçün meyvənin içindəki ətli qismi ilə narın suyu çıxarılır və bir miqdar bal ilə qarişdırılıb məlhəm olanadək bişirilir. Daha sonra bu məlhəmlə gözə sürmə kimi çəkilir.
- Diş ətinin iltihabı zamanı bir də diş çürümələrində narın suyundan istifadə etmək məsləhət görülür.
- Hər il narın 3 ədəd çiçəyindən yeyən göz ağrısından qorunmuş olar deyiblər...
- Bir ədəd narın suyu yaşıl çaya nisbətən 3 qat daha güclü antioksidanta malikdir.
- Nar suyu qan yaradıcı, təzyiq salıcı, enerji verici xassəyə də malikdir.
- Nar şirəsi ürək-damar sistemi üçün çox faydalıdır. Nar şirəsi qədim zamanlardan qanazlığı ilə mübarizədə çox geniş istifadə olunurdu. Bu şirənin müntəzəm qəbulu həqiqətən qanın tərkibinə müsbət təsir edir.
- Nar şirəsi pektinlərlə zəngindir. Bu maddələr bağırsaqlarda yığılan ziyanlı maddələri xaricə çıxartmağa kömək edir.
Tanin maddələrlə zəngin olan nar şirəsi bağırsaqlara büzücü təsir edir və ishal zamanı yaxşı kömək edir.
- Nar şirəsi polifenol maddələrlə zəngindir. Bu maddələr orqanizmdə gedən qocalma və dağılma proseslərlə mübarizə aparır, orqanizmi cavanlaşdırır.
- Həkimlərin fikirinə görə, nar şirəsi xərçəng xəstələri üçün çox faydalıdır. Xüsusi araşdırmalar nəticəsində məlum oldu ki, nar şirəsi prostat xəsrçəngindən əziyyət çəkən xəstələrin vəziyyətini yaxşılaşdırır.
Həmçinin nar şirəsi xərçəngin profilaktikası üçün istifadə oluna bilər.
- Nar şirəsi sidikqovucu təsirə malikdir - ödemləri azaldır, təzyiqi tənzimləyir, böyrəkləri təmizləyir.
- Nar şirəsi immun sisteminin fəaliyyətini yaxşılaşdırır, orqanizmi möhkəmləndirir.
- Həkimlər nar şirəsini yarıbayarı su və ya digər şirələrlə (xüsusilə kök şirəsi ilə) durulaşdırılmış şəkildə qəbul etmək tövsiyə edirlər. Təmiz nar şirəsi bağırsaqları "yığır" ki, bu qəbizliyə səbəb ola bilər. Həmçinin təmiz nar şirəsinin qəbulu bəzi mədə və 12 barmaq bağırsağı xəstəlikləri, pankreatit zamanı əks-göstərişdir. Təmiz nar şirəsi diş emalına da mənfi təsir edə bilər.
Təbii nar şirəsini saxlamaq olmaz (hətta soyuducuda), şirəni hazırladıqdan dərhal sonra qəbul etmək lazımdır.
