`Facebook` və `İnstagram`ın işində qüsurlar yaranıb
25.10.2019 97 0.0 0

"Facebook" və "İnstagram" sosial şəbəkələrinin istifadəçiləri xidmətlərin işlərində qüsurlarla üzləşiblər.

Qazeta.info Trend-in məlumatına əsasən bildirir ki, bu barədə populyar internet resurslarda problemləri izləyən "Downdetector" portalı xəbər verir.

Portalın məlumatına əsasən, texniki qüsurlar əsasən ABŞ, Kanada, Almaniya, Böyük Britaniya v Portugaliya sakinlərində müşahidə edilir.

Bildirilir ki, "Facebook" istifadəçilərin şikayətlərinin təxminən 45 faizi sosial şəbəkənin xəbər lentinin, 34 faizi sosial şəbəkənin tamamilə işləməməsi, 19 faizi isə öz hesablarına daxil ola bilməmələri ilə əlaqədardır.

"İnstagram" istifadəçilərinin isə təxminən 83 faizi sosial şəbəkənin xəbər lentinin işləməməsi, 9 faizi saytların çətin açılması, 6 faizi isə ismarıclara baxa bilməmələrindən şikayət edirlər.


Digər xəbərlər:
Bu gün xəbər əlavə olunmayıb.
Şərhlər
avatar