Tarix: 11.12.2016,   Saat: 04:13, Bazar.          

Ştaynmayer: Rusiyanın NATO ölkəsinə hücumuna sərt cavab veriləcək

“Almaniya istənilən NATO ölkəsinə qarşı hücumlara sərt cavab verəcək”. Rusiya mətbuatına istinadən verilən məlumata görə, bu fikirləri Almaniyanın xarici işlər naziri Frank-Valter Ştaynmayer deyib.
 
O, AŞPA-nın iclası zamanı İngiltərə nümayəndə heyətinin üzvü Mark Pritçardın alyansa üzv olan dövlətlərdən birinə qarşı, konkret olaraq Rusiya tərəfindən, silahlı hücum olarsa, NATO-nun buna reaksiyasına dair sualını da cavablandırıb.
 
Nümunə kimi Rusiyanı göstərən M. Pritçard alyansın nizamnaməsinin 5-ci bəndinə uyğun olaraq bu ölkəyə qarşı hərbi əməliyyatlara başlamağın vacibliyini vurğulayıb.
 
“Mən bu suala qısa cavab verəcəm. Bizim buna reaksiyamız sərt olacaq”, - deyə, F. Ştaynmayer sualı belə cavablandırıb./apa/



  Bölmə: Dünya | Baxış sayı: 342 | Tarix: 13.10.2016, 23:56


Xəbərlər