Günəşli yatağındakı qəza baş vermiş 10 saylı dərin dəniz özülündən təxliyyə edilmiş SOCAR əməkdaşları Mərkəzi Neftçilər Xəstəxanasında müayinədən keçirilib.
Qazeta.info Trend-in məlumatına əsasən bildirir ki, xəstəxanaya ümumilikdə 31 müraciət olunub, 22 nəfər ambulator müalicəyə cəlb edilib.
1 nəfər Yanıq Mərkəzinə göndərilib, 8 xəstə isə müxtəlif diaqnozlarla Mərkəzi Neftçilər Xəstəxanasının stasionarına qəbul edilib.
Aşağıda stasionara qəbul olunan xəstələrin siyahısı verilmişdir:
Rəcəbov Mərdan-qabırğa sınığı
Məmmədov Allahverdi-bazunun sınığı
Əliyeva Məlahət-bel fəqərəsinin sınığı
Hüseynov Rəşid-kəllə beyin silkələnməsi
Abbasov Mais-alın nahiyyəsinin kəsilmış, cırılmış yarası
Əliyev Ənvər-alın nahiyyəsinin burun göz altı yarası
Cəfərov Faiq-hipotermiya,başın yumşaq toxumaların əzilməsi
Orucov Atakişi-hipotoniya,yumşaq toxumaların əzilməsi
Xatırladaq ki, ötən gün axşam saatlarında “Günəşli” yatağındakı 10-cu özüldə güclü yanğın baş verib
10-cu dərin dəniz özülündə yanğının baş verməsi qaz xəttini sıradan çıxması nəticəsində baş verib.
