Tarix: 08.12.2016,   Saat: 07:57, Cümə axşamı.          

Dollar 9 aylıq maksimumu yeniləyib

Bugünkü ticarət sessiyasında dolların indeksi 9 aylıq maksimumu yeniləyib. Bildirəkki, buna səbəb ABŞ-ın dövlət istiqrazlarının gəlirliliyinin artmasıdır.

 

Dolların indeksi 0,44% möhkəmlənərək 99,5 səviyyəsinədək yüksəlib. Bunadək isə ABŞ-ın milli valyutasının indeksi yanvarın 29-dan etibarən ən yüksək göstərici hesab olunan 99,68 səviyyəsinədək irəliləməyi bacarıb.

 

Dolları bahalaşdıran əsas amillərdən biri də odur ki, investorlar ABŞ-ın yeni seçilən prezidenti Donald Trampın administrasiyasından inflyasiyanın yüksəldilməsi istiqamətində zəruri addımların atılacağını gözləyir. Bu gözləntilər ABŞ-ın dövlət istiqrazlarının gəlirliliyini 2,2% artıraraq 10 aylıq maksimum səviyyəyə çatdırıb.

 

Dollar Yaponiya yeninə qarşı 0,8% bahalaşaraq 107,56 səviyyəsində qərarlaşıb. Halbuki, bundan öncə dollar 107,595 yenə qədər bahalaşmışdı ki, bu da iyunun 7-dən etibarən maksimumdur.

 

Avro 0,52% ucuzlaşaraq 1,0794 dollaradək geriləyib. Bundan öncə Avrozonanın vahid valyutasının dollara qarşı məzənnəsi hətta 1,0773 səviyyəsinədək enib ki, bu da yanvarın əvvəlindən minimal göstəricidir.

 

Funt sterlinq isə 0,3% ucuzlaşaraq 1,2559 dollara çatıb./apa/



  Bölmə: İqtisadi | Baxış sayı: 1062 | Tarix: 14.11.2016, 13:36


Xəbərlər