Çempionlar Liqası: İspaniya klublarının yarımfinaldakı rəqibləri müəyyənləşir
13.04.2022 576 0.0 0

Bu gün UEFA Çempionlar Liqasında 1/4 final mərhələsinə yekun vurulacaq.

Məlumata görə, bununla da yarımfinalın bütün iştirakçıları bəlli olacaq.

İngiltərə təmsilçilərindən "Liverpul" cavab oyununu evdə, "Mançester Siti" isə səfərdə keçirəcək. Mersisaydlılar ilk matçda Portuqaliyada 3:1 hesabı ilə qalib gəldiyi "Benfika"nı qəbul edəcək. Görüşün baş hakimi niderlandlı Serdar Gözübüyük olacaq.

Qarşılaşma öncəsi meydan sahiblərinin heyətində hər hansı itki yoxdur. Qonaqlarda isə Rafa Silva zədə səbəbindən oynamayacaq.

"Mançester Siti" isə İspaniyada Madrid "Atletiko"sunun qonağı olacaq. "Şəhərlilər" evdəki ilk görüşdə minimal hesablı qələbə qazanıb. Matçı almaniyalı Daniel Zibert idarə edəcək.

Madrid klubunda Xose Mariya Ximenes və Ektor Erreranın meydana çıxması sual altındadır. Mançester təmsilçisində isə Qabriel Jezus cəzalı olduğu üçün oyunu buraxacaq.

Çempionlar Liqası, 1/4 final

Cavab oyunları

13 aprel

23:00. "Liverpul" (İngiltərə) - "Benfika" (Portuqaliya)

Baş hakim: Serdar Gözübüyük (Niderland)

İlk oyun - 3:1

23:00. "Atletiko" Madrid (İspaniya) - "Mançester Siti" (İngiltərə)

Baş hakim: Daniel Zibert (Almaniya)

İlk oyun - 0:1

Qeyd edək ki, yarımfinalda "Liverpul" - "Benfika" cütünün qalibi İspaniya "Vilyarreal" ilə, "Atletiko" (Madrid) - "Mançester Siti" görüşünün güclüsü isə İspaniya "Real Madrid"i ilə qarşılaşacaq./report/


Digər xəbərlər:
Bu gün xəbər əlavə olunmayıb.
Şərhlər
avatar