Çavuşoğlu: `Sergey Lavrovla danışdım, yaxın günlərdə yaxşı xəbərlər gözləyirik`
15.03.2022 211 0.0 0

“Ukraynada olan Türkiyə vətəndaşlarının təxliyəsi davam edir”.

Bildirək ki, bunu Türkiyənin xarici işlər naziri Mövlud Çavuşoğlu deyib.

Onun sözlərinə görə, Antalya Diplomatiya Forumunda Ukraynadakı mülki vətəndaşların təxliyəsi məsələsi geniş müzakirə olunub. Nazir söyləyib ki, bu ölkədəki Ahıska türkləri, Krım tatarları və digər xalqların nümayəndələrini də təxliyə edirlər.

“Azərbaycanlı qardaşlarımızın təxliyəsi ilə bağlı da əvvəldən məlumat vermişdik. Biz, əlbəttə, Ukraynanın ərazi bütövlüyünü tanıyırıq. Digər tərəfdən də mülki əhalinin ölkədən çıxması ilə müzakirələrimizi davam etdiririk”, - bildirib. 

M.Çavuşoğlu xatırladıb ki, ötən gecə Rusiyanın xarici işlər naziri Sergey Lavrovla telefonla danışıb: “Şərtlər tədricən formalaşır. Yaxın günlərdə yaxşı xəbərlər gözləyirik”./report/


Digər xəbərlər:
Bu gün xəbər əlavə olunmayıb.
Şərhlər
avatar