`Mançester Yunayted` `Marsel`in futbolçusuna 5 illik müqavilə təklif edib
24.01.2022 226 0.0 0

"Qarabağ"ın UEFA Konfrans Liqasının pley-off mərhələsindəki rəqibi olan Fransa "Marsel"i qış fasiləsində aparıcı futbolçusu Bubakar Kamara ilə vidalaşa bilər.

Bildrək ki, bu barədə məlumatı italiyalı jurnalist Nikola Skira özünün tviter səhifəsində paylaşıb.

Onun sözlərinə görə, İngiltərənin "Mançester Yunayted" klubu 23 yaşlı yarımmüdafiəçinin xidmətində maraqlıdır. "Qırmızı şeytanlar" Fransanın gənclər millisinin Mavritaniya əsilli üzvünə 5 illik müqavilə təklif edib.

Liqa 1 təmsilçisi ilə cari mövsümün sonunadək sözləşməsi olan futbolçu ilə İtaliyanın "Roma" və İngiltərənin "Nyukasl" klubu da yaxından maraqlanır.

Bubakar Kamara bu mövsüm komandasının heyətində 24 oyunda meydana çıxıb və 1 qol vurub.

Qeyd edək ki, "Qarabağ" "Marsel" komandası ilə ilk görüşünü fevralın 17-də səfərdə, cavab oyununu fevralın 24-də evdə keçirəcək./report/


Digər xəbərlər:
Bu gün xəbər əlavə olunmayıb.
Şərhlər
avatar