Tarix: 26.05.2017,   Saat: 07:28, Cümə.          

Yetkinlik yaşına çatmayanlarla bağlı qanuna yeni maddə təklif olunur

Milli Məclisin Hüquq siyasəti və dövlət quruculuğu komitəsinin bu gün keçirilən iclasında "Yetkinlik yaşına çatmayanların baxımsızlığının və hüquq pozuntularının profilaktikası haqqında" qanuna 1.0.8-ci maddənin əlavə edilməsi müzakirə olunub.

 

Məlumata görə, təklif edilən maddəyə əsasən, yetkinlik yaşına çatmayanların tərbiyəsi, təhsili və ya saxlanması sahəsində valideynlərin və ya digər qanuni nümayəndələrin öz vəzifələrini yerinə yetirməməsinin üzrlü səbəbləri - yetkinlik yaşına çatmayanların valideynlərinin və digər qanuni nümayəndələrini stasionar tibb müəssisələrinə yerləşdirilməsi, xəstəliyin terminal (son) mərhələsində olması, uzunmüddətli ezamiyyətə göndərilməsi, barəsində həbs qətimkan tədbirinin seçilməsi, inzibati həbsdə olması yetkinlik yaşına çatmayanların valideynlərinin və digər qanuni nümayəndələrinin iradəsindən asılı olmayan səbəblərdir.

 

Layihə Milli Məclisin plenar iclasına tövsiyə olunub. /apa/



  Bölmə: Ölkə | Baxış sayı: 459 | Tarix: 15.11.2016, 15:23


Xəbərlər