Azərbaycanın xalq artisti İlhamə Quliyeva vəfat edib.
Qazeta.info APA-ya istinadla bildirir ki, Müğənninin ailəsindən bildirilib ki, xalq artistinin vəziyyəti bu gün səhər qəflətən pisləşib.
Təcili yardım çağırılsa da, həkimlərin müdaxiləsi nəticəsiz qalıb, İ. Quliyeva dünyasını dəyişib.
İlhamə Quliyeva 17 avqust 1943-cü ildə Bakıda anadan olub.
1964-cü ildə Azərbaycan Dövlət Universitetini bitirib. 1965-1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970-1980-ci illərdə Azərbaycan Dövlət Filarmoniyasının solisti, 1980-ci ildən Azərbaycan Dövlət Qastrol-Konsert Birliyinin ("Azkonsert") solisti olub. Repertuarına Azərbaycan və xarici ölkə bəstəkarlarının əsərləri daxildir. Bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olub.
Müğənni Tükəzban İsmayılovanın qızıdır.
Allah rəhmət eləsin!
