Braziliyada evin balkonundan aşağı düşən 2 yaşlı uşaq möcüzə nəticəsində sağ qalıb.
Məlumata görə, hadisə Braziliyanın Ceara əyalətinin paytaxtı Fortalezada baş verib.
İkinci mərtəbənin pəncərəsindən üzüstdə betona çırpılan iki yaşlı Helena Beatrice Nascimento adlı qız uşağı bu qorxunc qəzadan yalnız kiçik sıyrıntılarla xilas olub. Təhlükəsizlik kamerasına düşən kadrlarda yerə düşən uşağın bir neçə saniyə yerdə yatdıqdan sonra dərhal ayağa qalxdığı görünür.
Şanslı uşaq qəzadan sonra yoldan keçən çaşmış vətəndaşlar tərəfindən sakitləşdirilib və dəhşət içində aşağı enən anasına təhvil verilib. Qız uşağının qəzadan əvvəl pəncərənin yanında olan yataqda yatdığını zənn edən ana hadisədən sonra dəhşətə gəlib. Braziliya mətbuatına danışan hadisə şahidləri, uşağın yerə düşərkən telefon tellərinə ilişdiyini və bu səbəbdən onun sağ qaldığını bildiriblər.
Analoji hadisə Türkiyədə Samsunda baş verib. İkinci mərtəbədən düşən 2 yaşlı uşağ yüngül yaralanaraq canını xilas edıb. Hadisə Samsunun İlkadım mahalında baş verib. Ananın bir anlıq diqqətsizliyi körpənin həyatı bahasına başa gələ bilərdi. Təcili yardımla Samsun Təhsil və Araşdırma Xəstəxanasına qaldırılan uşağın bədənin müxtəlif yerlərində qırıqlar olsada yaşamasına böyük təhlükə olmayıb./anspress/
