Azərbaycan Respublikası Prezidentinin 19 iyun 2001-ci il tarixli Fərmanı ilə təsdiq edilmiş “Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə”yə müvafiq olaraq prokurorluq orqanlarına işə qəbulla əlaqədar elan olunmuş müsabiqəyə yekun vurulmuşdur.
Müsabiqənin üçüncü mərhələsi olan müsahibəyə buraxılmış namizədlərin hazırlıq səviyyəsi, dünyagörüşü, məntiqi düşünmə qabiliyyəti və prokurorluqda işləmək üçün zəruri olan digər şəxsi keyfiyyətlərinin yoxlanılması nəticəsində 25 gənc hüquqşünas “Prokurorluğa işə qəbul olunmaq üçün namizədlərlə müsabiqə keçirilməsi Qaydaları” ilə müəyyənləşdirilmiş keçid balını toplamışdır.
Qazeta.info Baş Prokurorluğun məlumatına əsasən bildirir ki, gənc hüquqşünasların prokurorluq orqanlarına müsabiqə yolu ilə qulluğa qəbulu respublikamızda reallaşdırılan dövlət gənclər siyasətinin, ölkə həyatının bütün sahələrində gənclərin əməyindən daha səmərəli istifadə olunması barədə Azərbaycan Respublikasının Prezidenti cənab İlham Əliyevin rəhbər göstərişlərinin icrası istiqamətində uğurla həyata keçirilən mühüm tədbirlərdən biri olmuşdur. Sonuncu müsabiqənin nəticələri də nəzərə alınmaqla tam şəffaf və ədalətli prosedurlar əsasında keçirilmiş müsabiqələr nəticəsində qulluğa qəbul edilmiş gənc hüquqşünaslar hazırda respublika prokurorluq orqanlarının kadr korpusunun 57 faizini təşkil edir. Əvvəlki müsabiqələrin yekunlarına görə işə qəbul olunmuş gənclər prokurorluq orqanlarında səmərəli fəaliyyət göstərməklə, onların bir hissəsi yuxarı təsnifatlar üzrə, o cümlədən rəhbər vəzifələrə irəli çəkilmişlər.
Prokurorluq orqanlarında qulluğa qəbulla bağlı müsabiqədən keçmiş namizədlər 27 avqust 2015-ci ildən Ədliyyə Akademiyasında icbari təlimə cəlb ediləcəklər. İcbari təlimi müvəffəqiyyətlə başa vurduqdan sonra peşə fəaliyyətinə buraxılma haqqında şəhadətnamə almış gənc mütəxəssislər prokurorluq orqanlarında müvafiq vakant vəzifələrə stajor qismində təyin ediləcəklər.
Prokurorluğa işə qəbulla əlaqədar elan edilmiş müsabiqədən müvəffəqiyyətlə keçmiş şəxslərin siyahısı:
Sıra №-si | Soyadı, adı, atasının adı |
1. | Alıyev Namiq Nazim oğlu |
2. | Cəbrayılov Tərlan Fərhad oğlu |
3. | Cəmilli Ramil Nizami oğlu |
4. | Əliyev Zaur Vaqif oğlu |
5. | Əlləzov Dilqəm Umud oğlu |
6. | Fərəməzov Tural Turab oğlu |
7. | Həmidov Qüdrət Ənvər oğlu |
8. | Həsənova Günay İbrahim qızı |
9. | Hüseynli Qədimalı Muxtar oğlu |
10. | İsayeva Gülər Əlhəsən qızı |
11. | Lalayev Rəmzi Mikayıl oğlu |
12. | Mahmudlu İslam Zakir oğlu |
13. | Mehtiyev Şahin Əhməd oğlu |
14. | Məmmədov Rəşad Namiq oğlu |
15. | Məmmədova Günel Ağabala qızı |
16. | Məmmədyarov Təbriz Hüseyn oğlu |
17. | Muradov Sultan Elmin oğlu |
18. | Musayev Sabir Elşən oğlu |
19. | Musayev Vasif Vaqif oğlu |
20. | Paşazadə Elmir Hikmət oğlu |
21. | Rüstəmli Zəka Rövşən oğlu |
22. | Sadıqov Mirlətif Süleyman oğlu |
23. | Şahmirzəli Elvin Fikrət oğlu |
24. | Yaqubov Tural Qaraxan oğlu |
25. | Zeynalov Kənan Fikrət oğlu |