Kanada İraq və Suriyada apardığı əməliyyatları dayandırıb
18.02.2016 569 0
Kanadanın Hərbi-Hava Qüvvələri İraq və Suriyada beynəlxalq koalisiya tərkibində İŞİD-ə qarşı apardığı əməliyyatları dayandırıb.
“Gazeta.ru”-ya istinadən verilən məlumata görə, bunu Kanada müdafiə nazirliyinin rəsmi nümayəndəsi bəyan edib.
“Hökumətin göstərişinə uyğun olaraq, Kanadanın müdafiə naziri fevralın 15-dən etibarən hərbi kampaniya çərçivəsində İraq və Suriya ərazilərində hava zərbələrinin dayandırılmasına dair əmr verib”, deyə nümayəndə bildirib.
Onun sözlərinə görə, Kanadaya məxsus hərbi təyyarələr yaxın günlərdə regionu tərk edəcəklər.
Qeyd edək ki, Kanadanın Hərbi-Hava Qüvvələri 2014-cü ilin noyabrında beynəlxalq koalisiya tərkibində İŞİD terror qruplaşmasına qarşı hava əməliyyatlarına qoşulmuşdu./apa/
Digər xəbərlər:
Bu gün xəbər əlavə olunmayıb.
Şərhlər