İranın “İttilaat” qəzetinə istinadən verdiyi məlumata görə, İranın İslami İrşad və Mədəniyyət Nazirliyinin sözçüsü Hüseyn Nuşabadi bildirib ki, qanuna əməl etməyən şəxslər cəzalandırılacaqlar. 

Qeyd edək ki, M. Xatəmi bazar günü ölkənin “İttilaat” qəzetinə müsahibə verib. Bundan sonra prokurorluq “İttilaat” qəzetinin baş redaktoru Mahmud Duayi barəsində cinayət işi açıb.

M. Duayi deyib ki, M. Xatəmi ilə bağlı xəbərləri ali dini lider Ayətullah Xamenei ilə xüsusi məktublaşmadan və onun razılığını aldıqdan sonra yayımlayıb: “Bir gün sonra İranın Məsləhət Şurasının sədri, sabiq prezident Əli Əkbər Haşimi Rəfsəncani deyib ki, mənə qarşı bu cür davranış əsəbdən irəli gəlir və bunu heç bir məntiqi, qanuni əsası yoxdur”./apa/