Bu ilin dekabr ayında BMT-nin Ərzaq və Kənd Təsərrüfatı Təşkilatının (FAO) ərzaq qiyməti indeksi ötən ilin eyni ayı ilə müqayisədə 19,5%, 2021-ci ilin dekabr ayı ilə müqayisədə isə 1,1% artaraq 135,7 bəndə çatıb.
FAO-ya istinadən verilən məlumata görə, FAO-nun taxıl qiyməti indeksi aylıq müqayisədə 0,1%, illik müqayisədə isə 12,5% artaraq yanvarda 140,6 təşkil edib.
"Kapital Bank" "Visa"nın üç mükafatına layiq görülüb®
"Azər-Türk Bank" IV rübü zərərlə başa vurub
Azərbaycan bank sektorunun aktivlərinin rentabelliyi azalıb
Qlobal buğda qiymətləri Avstraliya və Argentinada böyük məhsul yığımından irəli gələn mövsümi tədarükün artması ilə yanvar ayında 3,1% azalıb. Bununla belə, yüksək keyfiyyətli buğdanın çoxluğundan və tədarüklə bağlı qeyri-müəyyənlik fonunda davam edən güclü tələb qiymətlərin daha da azalmasının qarşısını alıb.
FAO-nun tərəvəz yağı qiyməti indeksi aylıq 4,2%, illik isə 33,8% artaraq 185,9 bəndə çatıb və tarixi maksimuma yeniləyib. Bahalaşma palma, soya, kolza və günəbaxan yağı üçün daha yüksək kotirovkaları əks etdirir.
Təşkilatın süd məhsulları qiyməti indeksi aylıq müqayisədə 2,4%, illik müqayisədə isə 18,7% artaraq 132,1 bəndə bərabər olub. Yanvar artımı qlobal bazarlardakı sərtləşmə ilə dəstəklənib, xüsusilə Qərbi Avropadan ixrac imkanlarının azalmasını əks etdirir. Sözügedən regionda bəzi iri süd istehsal edən ölkələrdə süd tədarükünün azalması və aşağı ehtiyat səviyyələri bahalaşmanı dəstəkləyib. Okeaniyada isə süd istehsalı ilə bağlı gözləntilər qarşıdakı aylarda orta səviyyədən aşağı qalacağı gözlənilir.
FAO-nun ət məhsulları qiyməti indeksi isə ötən ay 0,3%, illik müqayisədə isə 17,3% yüksələrək 112,6 bənd təşkil edib. Yanvar ayında iribuynuzlu mal-qaranın qiymətləri yeni pik həddinə çatıb və bunun səbəbi kimi, qlobal tələbin Braziliya və Okeaniyadan ixrac təklifini üstələməsi göstərilir.
Şəkər qiyməti indeksinə gəldikdə, yanvarda sözügedən göstərici 3,1% azalıb, illik ifadədə isə 19,7% artaraq 112,8 bəndə çatıb və altı aylıq minimuna yeniləyib. Yanvar ucuzlaşması əsas şəkərin ixracatçıları olan Hindistan və Taylandda əlverişli istehsal perspektivləri və yaxşı məhsul yığımı sayəsində baş verib. Bundan əlavə, Braziliyanın əsas istehsal ərazilərində yağışların artmasının təklifi genişlətməsi, eləcə etanolun ucuzlaşması qiymətləri endirib./APA/
