DGK İran Azərbaycan sərhəd-keçidində baş verən ölüm hadisəsi ilə bağlı məlumat yayıb
05.03.2016 634 0.0 0

“Martın 4-də  İran ilə Azərbaycan arasındakı neytral ərazidə Azərbaycan vətəndaşı Qasımov Elşən Məmmədhəsən oğlu səhhətində yaranan problemlə əlaqədar dünyasını dəyişib. Bəzi kütləvi informasiya vasitələrində  isə Elşən Qasımovun ölümünə guya Biləsuvar Gömrük İdarəsinin ərazidəki gömrük keçid məntəqəsində yaranan sıxlığın səbəb olduğu barədə həqiqətə uyğun olmayan məlumatlar yayılıb”. Məlumata görə, bu barədə Dövlət Gömrük Komitəsinin mətbuat xidmətinin məlumatında bildirilir.
 
DGK qeyd edir ki,  martın 4-də sözügedən  gömrük keçid məntəqəsində ümumiyyətlə sıxlıq müşahidə olunmayıb və bədbəxt hadisə də məntəqənin ərazisində deyil neytral zonada baş verib. “Belə ki, piyada yolla İran İslam Respublikasından Azərbaycana gələn Biləsuvar rayon Abazovka kənd sakini 52 yaşlı Qasımov Elşən Məmmədhəsən oğlunun  səhhəti iki ölkə arasındakı neytral zonada  qəfil pisləşib. Gömrük keçid məntəqəsinin  əməkdaşları dərhal əraziyə təcili tibbi yardım briqadası çağırsa da Elşən Qasımovun həyatını xilas etmək mümkün olmayıb. Hadisə ilə bağlı hüquq mühafizə orqanları müvafiq araşdırmalar aparır və olümün səbəbi də araşdırmalardan sonra məlum olacaq”, deyə məlumatda qeyd olunub./apa/


Digər xəbərlər:
Bu gün xəbər əlavə olunmayıb.
Şərhlər
avatar