Kür İdman və Avarçəkmə Mərkəzində Avropa Oyunlarının yarışlarında ilk beş medalın taleyi həll olundu. Bundan sonra beynəlxalq avarçəkənlərin qüvvələr nisbəti əhəmiyyətli  dərəcədə dəyişib.

Qazeta.info Bakı 2015 birinci Avropa Oyunları Təşkilat Komitəsinə istinadla bildirir ki,  Almaniya iki açılış yarışında iki medala iddialı idi. Lakin bu ölkənin idmançıları ümumilikdə beş podium yerini tutdular. Avarçəkmə üzrə güclü komandalardan biri olan Macarıstan növbəti iki yarışda qalib gəlməklə bürünc medal qazandı və öz qüvvəsini bir daha təsdiqləmiş oldu.

 

İlk qızıl medal Almaniyaya getdi

 

Səhərin ilk medal yarışında alman Maks Hoff Bakı 2015 üzrə Danimarkanın elçisi Rene Holten Polten tərəfindən sıxışdırılıb. Almaniyanın 3:28.205 vaxt göstəricisi onun bazar günü göstərdiyi nəticədən yeddi saniyə çox olub. 

Digər alman avarçəkəni Sebastyan Brendel növbəti yarışlarda Hoffla podiumun zirvəsini bölüşüb. Belə ki, o, finişə Çex Respublikasının təmsilçisi Martin Fuksadan bir saniyə tez çatıb, macarıstanlı Atilla Vacda isə üçüncü olub.

"Mən öz oyun planımı göstərdim və bu plan işlədi," deyə Brendel Oyunların Xəbərlər Xidmətinə bildirib. "Plan yarışa yaxşı başlamaq, amma bir az geridə ortada olmaq və  sonra isə finişə doğru güclü mübarizə aparmaqdan ibarət idi. Bu plana əsasən mən Macarıstan və çexlərdən bir qədər cəld oldum."

 

Qadınların yarışında Macarıstan əvəzini çıxdı

 

Amma Macarıstan növbəti yarışda - qadınların kayak dördlüyü ilə yarışlarda əks zərbə endirib. Onlar alman dördlüyünü  ikinci yerə sıxışdırıb, Polşa isə bürünc uğrunda mübarizə aparıb.

"Suda vəziyyət çox ağır idi. Bəzən bizim belə problemimiz olur, amma biz yenə qələbə qazandıq,"deyə qalib idmançı Anna Karasz bildirib.  

Macarıstan ikinci qızıl medalını kişilər arasında kayak-cütlər yarışında qazanıb. Zoltan Kammerer və Tamas Szalay finişə birinci çatıb. Alman dueti Maks Rendşmit və Markus Qros onlardan yarım saniyə gec qalıblar. Belarus isə bürüncə sahib olub.

 

1/400 saniyə qızıl medal qazandırdı

 

Final medal yarışında bu səhər Belarusun vəziyyəti yaxşı olub. Belə ki, London 2012-nin gümüş medalçıları Andrey və Aleksandr Boqdanoviç qardaşları kişilər arasına kanoe-cütlər yarışında (1,000m) qalib gəliblər. Onlar saniyənin 1/400 hissəsi qədər fərqlə qızıl medala yiyələniblər. 

"Bu, çox çətin qələbə olub və bizim indiyədək qazandığımız qələbələrdən 10 min dəfə önəmli idi. Çünki, sağlamlığımızla bağlı problem səbəbindən bizim karyeramızda bir boşluq yaranmışdı," deyə Aleksandr bildirib. "Amma indi işlər yenə düzəlir, biz birbaşa finala çıxdıq və qələbə çaldıq."

Günorta sessiyasında ilkin və yarımfinal mərhələsi ilə Bakı 2015-in avarçəkmə yarışları başa çatacaq.