Tarix: 03.12.2016,   Saat: 15:36, Şənbə.          

ANS məcburi olaraq cərimənin 77 min manatını ödədi

Milli Televiziya və Radio Şurası (MTRŞ) tərəfindən “ANS ÇM” radiosuna təyin olunan 161 000 manat cərimənin 77 266 manatı məcburi qaydada “ANS ÇM” şirkətinin bank hesabından tutulub.

 

Məlumata görə, şirkətin bank hesabında lazımi qədər pul qalmadığından cərimənin qalan hissəsinin tutulması məcburi icraya yönəldiləcək.


Qeyd edək ki, “ANS ÇM” radiosunun yayımı zamanı “Televiziya və radio yayımı haqqında” Azərbaycan Respublikası Qanununun və “Reklam haqqında” Azərbaycan Respublikası Qanununun tələblərinin pozulması ilə əlaqədar MTRŞ ANS ÇM Yayım və Media Şirkətini 26 qərar üzrə ümumilikdə 161 000 manat məbləğində cərimələyib. /apa/



  Bölmə: Ölkə | Baxış sayı: 440 | Tarix: 14.09.2016, 12:05


Xəbərlər