Tarix: 09.12.2016,   Saat: 05:54, Cümə.          

ABŞ rəhbərliyi ərəb koalisiyasına dəstəyini nəzərdən keçirmək niyyətindədir

ABŞ hakimiyyəti Yəmənə endirilən aviazərbələrdən sonra Səudiyyə Ərəbistanının rəhbərlik etdiyi ərəb koalisiyasına dəstəyini korrektə etməyə hazırdır.

 

“Gazeta.ru”ya istinadən verilən xəbərə görə, bu barədə ABŞ Milli Təhlükəsizlik Şurasının rəsmi nümayəndəsi Ned Prays bildirib.  

 

“Bu və digər insidentlər fonunda biz dərhal Səudiyyə Ərəbistanının rəhbərlik etdiyi ərəb koalisiyasına dəstəyimizin təhlilinə başladıq və dəstəyin ABŞ-ın prinsip və dəyərlərinə daha yaxşı uyğunlaşdırılması üçün onu korrektə etməyə hazırıq”, - deyə o qeyd edib.  

 

O həmçinin  Səudiyyə Ərəbistanının rəhbərlik etdiyi ərəb koalisiyasını, Yəmən hökumətini və bu ölkənin daxilindəki bütün münaqişə tərəflərini 10 aprel tarixli razılaşmanın əsasında əməliyyatları dərhal dayandırmağa çağırıb.   

 

Ərəb koalisiyasına məxsus aviasiya Yəmənin paytaxtı Sana şəhərinə beş zərbə endirib.

 

Bundan əvvəl Yəmənin paytaxtında  yas mərasiminə endirilən aviazərbələr nəticəsində ölənlərin sayı 213 nəfərə çatıb.

 

Üsyançı husilər zərbənin endirilməsində ərəb koalisiyasını ittiham edib, lakin koalisiya hadisə ilə əlaqəsi olmadığını iddia edir.

 

Yəmənin paytaxtı Sana şəhəri üsyançı husilərin nəzarəti altındadır. Səudiyyə Ərəbistanının rəhbərlik etdiyi ərəb koalisiyası üsyançılarla mübarizədə Yəmən hökumətinə dəstək  verir. /apa/



  Bölmə: Dünya | Baxış sayı: 195 | Tarix: 09.10.2016, 13:39


Xəbərlər