Ötən gün cəbhə xəttində şəhid olan Azərbaycanın hərbi qulluqçusu bu gün Ağdamda torpağa tapşırılıb.
Məlumata görə, qarşı tərəfin təxribat cəhdini dəf edərkən şəhid olan Milli Ordumuzun müddətdən artıq xidmət edən hərbi qulluqçusu Rauf Vəliyevin meyiti Ağdamın Ayaq Qərvənd kəndində yaşayan ailəsinə təhvil verilib.
Bu gün döyüş yoldaşlarının çiynində kənd məzarliğına aparılan şəhid uğrunda öldüyü torpağa tapşırılıb.
Şəhidin yas mərasimi
Ermənistan silahlı birləşmələri cəbhə xəttində gərginlik yaratmaqda davam edir. Ötən gecə cəbhədə baş verən döyüş zamanı Milli ordumuzun 3 hərbi qulluqçusu, Rauf Vəliyev, Neman Əhmədzadə, Zöhrab Mustafazadə şəhid olub. Azərbaycanın MN-nin xəbərinə əsasən, atışma zamanı Ermənistan tərəfinin 7 hərbiçisi məhv edilib, çoxlu sayda yaralı var. /anspress/
