Rusiyada son bir ayda 5-ci hərbi təyyarə qəzası
06.07.2015 555 0
Rusiyanın Xabarovsk diyarı ərazisində “Su-24” bombardmançı təyyarəsi qəzaya uğrayıb.
TASS-a istinadən verilən xəbərə görə, hadisə Komsomolsk-Amurdan 17 km cənubda yerləşən Xurba aerodromu yaxınlığında baş verib. Hərbi təyyarə havaya qalxdıqdan az sonra yaşayış olmayan yerə düşüb. Hadisə nəticəsində hər iki pilot ölüb.
Hadisədən sonra Hərbi Hava Qüvvələrinin komandanlığı Xabarovsk diyarında “Su-24”lərin uçuşunu dayandırıb.
Maraqlıdır ki, bu, son bir ayda Rusiya qəzaya uğrayan 5-ci hərbi təyyarədir. İyunun 4-də Həştərxan yaxınlığında “Miq-29”, Voronej yaxınlığında “Su-34”, dörd gün sonra Amur vilayətində “Tu-95”, iyulun 3-də isə Krasnodar diyarında “Miq-29” təyyarəsi qəzaya uğrayıb. /apa/
Digər xəbərlər:
Bu gün xəbər əlavə olunmayıb.
Şərhlər