Qızılca yayıldı - Yoluxanların sayı 981 nəfərə çatdı
04.06.2019 720 0
ABŞ-da yanvarın 1-dən qızılcaya yoluxanların sayı 981 nəfərə çatıb.
Qazeta.info Trend-in məlumatına əsasən bildirir ki, bu barədə Xəstəliklərə nəzarət edilməsi və onların qarşısının alınması üzrə Mərkəzdən bildiriblər.
Məlumatda deyilir: "Bu gün "CDC" bildirir ki, 2019-cu ildə ABŞ-da 981 qızılcaya yoluxma halı qeydə alınıb. Bu, 1992-ci ildən yarım il ərzində qeydə alınan ən yüksək göstəricidir. 1992-ci ildə 2126 yoluxma halı olub".
Qeyd edilir ki, virus ölkənin 26 ştatında, o cümlədən Nyu York, Kaliforniya, Corciya, Merilend, Pensilvaniya və Vaşinqtonda da yayılıb.
Ümumdünya Səhiyyə Təşkilatının məlumatına əsasən, cari ilin ilk kvartalında bütün dünya üzrə 112 mindən artıq bu xəstəliyə yoluxma halı qeydə alınıb.
Digər xəbərlər:
Bu gün xəbər əlavə olunmayıb.
Şərhlər