Rusiyanın paytaxtı Moskvada Liberal Demokrat Partiyasının Sədri Vladimir Jirinovskinin heykəli ucaldılıb. Məlumata görə, təntənəli açılış mərasimi çar himninin sədaları altında baş tutub. 3 metr hündürlüyü olan abidənin qurucusu Zurab Seretelidir.
Siyasətçinin tuncdan heykəli dünya svilizasiya insitutunun həyətində ucaldılıb. Birmənalı qarşılanmayan çıxışları ilə daim mətbuatın gündəmində olan Jirinovskinin heykəli onun 70 illik yubileyinə həsr edilib.
Onun ad gününün 25 apreldə olmasına baxmayaraq rəsmi açılış bu gün həyata keçirilib. Maraqlısı budur ki, Sereteli Jirinovski üçün iki heykəl hazırlayıb. Birinci abidə Vladimir Jirinovski tərəfindən bəyənilib və o, heykəltaraşdan heykəlin surətini çıxarmasını xahiş edib.
Volqoqrad vilayəti Jirnovsk rayonu sakinləri daha da irəli gedərək rayonun adını dəyişməyi, “i” hərfini əlavə edərək onu Jirinovski etməyi təklif edib. Təklif siyasətçi tərəfindən bəyənilib./anspress/
