Tarix: 07.12.2016,   Saat: 22:16, Çərşənbə.          

İlham Əliyev: `Tramp böyük hörmətə layiqdir`

"Tramp haqqında şəxsi fikrim çox müsbətdir. Keçirilən sorğulara və Amerikanın aparıcı media qurumlarının gözləntilərinə baxmayaraq, ona qarşı aparılan aqressiv kampaniyaya baxmayaraq, Amerika xalqı ona böyük dəstək göstərdi, o, seçkilərdə qalib gəldi. Bu seçkilərə görə o, ancaq özünə borcludur".
 
Məlumata görə, bunu Azərbaycan prezidenti İlham Əliyev noyabrın 17-də Dünya Xəbər Agentliklərinin V Konqresinin iştirakçılarının bir qrupu ilə görüşündə deyib.
 
Dövlət başçısı Donald Trampın böyük hörmətə layiq olduğunu bildirib.
 
"Ümid edirik ki, əvvəlki illərdə ABŞ-la Azərbaycan arasında inkişaf edən əlaqələr onun prezidentliyi dövründə uğurla davam edəcək. Əməkdaşlıq üçün bir çox sahə, o cümlədən siyasi, iqtisadi, enerji və başqa sahələr var. Dünyada da onun siyasəti üçün çox böyük gözləntilər var. Bunun üçün də Azərbaycan olaraq ona uğurlar arzulayırıq və düşünürəm ki, Azərbaycan xalqı seçkilərdə baş verənləri qiymətləndirir", - deyə prezident qeyd edib./apa/



  Bölmə: Siyasi | Baxış sayı: 397 | Tarix: 18.11.2016, 19:13


Xəbərlər