Tarix: 05.12.2016,   Saat: 20:38, Bazar ertəsi.          

«Günəşli» yatağında yanğın söndürülüb

Xəbər verildiyi kimi, 26 sentyabr 2016-cı il tarixində “Azneft” İB-nin “28 May” adına NQÇİ-nin “Günəşli” yatağının 19-cu özülündə 71 saylı quyuda təmir işləri aparılarkən qaz təzahürü meydana çıxmış və açıq fontana çevrilmiş, saat 18:00 radələrində isə fontanın bağlanması ilə bağlı aparılan işlər zaman qaz təzahürünün ani alışması nəticəsində yanğın hadisəsi baş vermişdir.
Qazeta.info bildirir ki, dərhal FHN DYMX-nin yanğınsöndürənləri və xilasediciləri özüldə olan 69 nəfəri “Vixr-5” yanğınsöndürmə gəmisinə təxliyyə etmişlər.

Baş vermiş yanğın SOCAR-ın prezidenti Rövnəq Abdullayevin rəhbərliyi və fövqəladə hallar nazirinin müavini general-leytenant Etibar Mirzəyev, Xəzər Dəniz Gəmiçiliyi QSC-nin sədri Rauf Vəliyev və Dövlət Yanğından Mühafizə Xidmətinin rəisi daxili xidmət general-mayoru Füzuli Əsədovun iştirakı ilə FHN-nin və digər aidiyyəti qurumların birgə səyləri nəticəsində sentyabrın 27-də səhər saatlarında ram edilmiş, alov söndürülmüş, həmçinin, qaz təzahürünün qarşısı alınmışdır. Hazırda SOCAR-ın mütəxəssisləri tərəfindən özüldə təmir-bərpa işləri aparılır.



  Bölmə: Manşet | Baxış sayı: 651 | Tarix: 27.09.2016, 10:24


Xəbərlər