Bakıda qətl hadisəsi törədilib.
Məlumata görə, hadisə Nərimanov rayonu ərazisində, Aşıq Alı küçəsi, 3 ünvanında baş verib.
45 yaşlı Elxan Həbibov yaşadıqları binanın həyətində qardaşı, 43 yaşlı Əbülfət Həbibovla mübahisə edib. Mübahisə zamanı Elxan Həbibov üzərində gəzdirdiyi bıçaqla qardaşına bir neçə zərbə endirib. O, Əbülfət Həbibovun başından dəmir parçası ilə də dəfələrlə vurub. Nəticədə 43 yaşlı Əbülfət Həbibov hadisə yerində ölüb.
Hadisə yerinə hüquq-mühafizə orqanlarının əməkdaşları gəliblər. Elxan Həbibov saxlanılıb. Nərimanov rayon prokurorluğunda faktla bağlı Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb, araşdırma aparılır.
,ldə edilən məlumata görə, Elxan Həbibov ruhi xəstədir. Onun qətlə yetirdiyi qardaşının da psixi problemləri olub. Həbibovların bir qardaşı bir neçə il əvvəl yaşadıqları mənzilin eyvanından özünü ataraq, intihar edib./apa/
