Tarix: 05.12.2016,   Saat: 04:28, Bazar ertəsi.          

Azad Rəhimov Milli Məclisdə deputatları güldürdü

“Azərbaycan Milli Antidopinq Agentliyinin NADA kimi deyil, elə Azərbaycan dilində olmasını təklif edirəm. Yəni agentliyin adının milli dilimizdə olması daha yaxşı olar”.
 
Qazeta.info Modern.az-a istinadla xəbərinə görə, bu təkliflə Milli Məclisin Gənclər və idman komitəsinin iclasında “İdmanda dopinq vasitələrindən və üsullarından istifadəyə qarşı mübarizə haqqında” qanun layihəsinin müzakirəsi zamanı deputat Sevinc Hüseynova deyib.
O bildirib ki, qanunun dili çox elmidir: “Qanunda elmi terminologiyadan çox geniş istifadə olunub. Bunun sadələşdirilməsini təklif edirəm”.
 
Gənclər və idman naziri Azad Rəhimov Azərbaycan Milli Antidopinq Agentliyinin adının nəyə görə Azərbaycan dilində olmamasını öz adı ilə bağlayıb:
 
“Düzdür, əvvəl təklif olunmuşdu ki, Azərbaycan Milli Antidopinq Agentliyinin qısa forması AZADA olsun. Amma mən özüm buna razılaşmadım”.

Nazir Azad Rəhimovun belə deməsindən sonra nazir özü və iclasdakı deputatlar, qonaqlar gülüblər.



  Bölmə: Ölkə | Baxış sayı: 314 | Tarix: 24.10.2016, 21:12


Xəbərlər