Azərbaycanda 65 sm qalınlığında qar yağıb
18.10.2016 886 0.0 0

Oktyabrın 17-si gündüzdən 18-i səhərədək müşahidə olunmuş faktiki hava şəraiti ilə bağlı məlumat açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən verilən xəbərə görə, əvvəlcədən xəbər verildiyi kimi oktyabrın 17-si gündüzdən 18-i səhərədək ölkə ərazisində qeyri-sabit hava şəraiti davam edib, yağış yağıb, bəzi yerlərdə intensiv olub, dağlıq və dağətəyi rayonlarda sulu qar, qar yağıb.

 

Düşən yağıntının miqdarı Bakıda 41 (aylıq normanın 146 faizi), Sumqayıtda 12 (aylıq normanın 45 faizi), İsmayıllıda 66 (aylıq normanın 52 faizi), Oğuzda 55 (aylıq normanın 54 faizi), Qəbələdə 53 (aylıq normanın 52 faizi), Şəkidə 43, Zaqatala, Mərəzədə 27, Qaxda 26, Şamaxıda 22, Altıağacda 18, Balakəndə 17, Quba, Xınalıq, Nabranda 10, Xaçmazda 9, Şirvan, Xaltanda 8, Şabranda 7 mm olub.

 

Yağan leysan yağışlarla əlaqədar Balakənçay, Talaçay, Kürmükçay və Kişçayda sululuq artıb.

 

Yağıtılar Kiçik Qafqazda: Göygöldə 40, Gədəbəydə 30, Daşkəsəndə 27 mm, Qazax-Gəncə zonasında: Gəncə Avia-da 45 (aylıq normanın 147 faizi), Gəncədə 25 (aylıq normanın 82 faizi), Şəmkirdə 20 (aylıq normanın 63 faizi), Ağstafada 17, Tovuzda 16, Naftalanda 10, Ağdamda 5 mm, Mərkəzi-Aran rayonlarında: Göyçayda 50 (aylıq normanın 93 faizi), Mingəçevirdə 42 (aylıq normanın 103 faizi), Ağsuda 32, Kürdəmirdə 29 (aylıq normanın 63 faizi), Yevlaxda 26 (aylıq normanın 69 faizi), Ağcəbədidə 24, Zərdabda 21 (aylıq normanın 54 faizi), Salyanda 16, Bərdədə 15, Tərtər, İmişli, Sabirabad,  Beyləqanda 11, Qazıməmməddə 5 mm, Lənkəran-Astara zonasında: Astara, Lerikdə 20, Yardımlı, Lənkəranda 17, Neftçalada 3, Biləsuvarda 0.8 mm olub.

 

Qar örtuyünün hündürlüyü İsmayıllıda 15, Qubanın dağlıq ərazilərində: Xınalıqda 65, Qırızda 45, Ləzədə 25, Altıağacda 14, Nohurdüzündə 24, Qonaqkənddə 20 sm təşkil edib./apa/


Digər xəbərlər:
Bu gün xəbər əlavə olunmayıb.
Şərhlər
avatar