Tarix: 10.12.2016,   Saat: 16:38, Şənbə.          

AÇG-dən ümumilikdə 412 mln. ton neft hasil edilib

Xəzərin Azərbaycan sektorunda yerləşən "Azəri, Çıraq və Dərinsulu Günəşli" (AÇG) yataqlar blokundan işləmənin əvvəlindən indiyədək ümumilikdə 412 mln. ton neft hasil edilib.

Qazeta.info "Report"-a istinadla xəbər verir ki, bu barədə Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə məlumat verib.
X.Yusifzadə qeyd edib ki, indiyədək dünya bazarında Azərbaycanın payına düşən 229 mln.ton mənfəət nefti satılıb: "Mənfəət neftinin həcmi ilbəil artır".
SOCAR rəsmisi qeyd edib ki, əgər indiyədək mövcud nəqletmə marşrutları ilə 440 mln ton neft xarici bazarlara çıxarılıbsa, onun 310 mln.tonu Bakı-Tbilisi-Ceyhan boru kəməri ilə nəql edilib.



  Bölmə: Gündəm | Baxış sayı: 244 | Tarix: 03.11.2016, 13:25


Xəbərlər