`Brent` markalı neftin qiyməti artıb
30.03.2022 132 0.0 0

Dünya bazarlarında neft bahalaşıb. İnvestorlar Amerika Neft İnstitutunun (API) ABŞ-da enerji daşıyıcılarının ehtiyatları haqqında məlumatlarını qiymətləndirir və ABŞ-ın Energetika Nazirliyinin bu gün açıqlanacaq rəsmi statistikasına gözləyirlər.

“İnterfaks”a istinadən xəbər verilir ki, Londonun “ICE Futures” birjasında “Brent” markalı neftin may fyuçersləri 0,73% və ya 0,8 ABŞ dolları bahalaşaraq, 111,03 ABŞ dollarına satılıb.

Nyu-Yorkun Əmtəə Birjasında (NYMEX) WTI neftinin may fyuçerslərinin qiyməti isə 0,69% və ya 0,72 ABŞ dolları artaraq, 1 bareli 104,96 ABŞ dolları təşkil edib.

API-nin məlumatına görə, ötən həftə ərzində ABŞ-da neftin ehtiyatları 3 milyon barel azalıb, bu isə analitiklərin gözləntilərindən 3 dəfə artıqdır. Analitiklər hesab edirlər ki, ABŞ-ın Energetika Nazirliyi ehtiyatların 1,7 milyon barel azalacağını açıqlayacaq.

OPEC+ ölkələri may ayında neftin hasilatı ilə bağlı planların müzakirəsi üçün bir araya gələcək. Gözlənilir ki, alyans hasilatın əvvəlcədən razılaşdırılmış qrafikə uyğun olaraq artırılması haqqında qərar qəbul edəcək./report/


Digər xəbərlər:
Bu gün xəbər əlavə olunmayıb.
Şərhlər
avatar