Texas ştatının Dallas şəhərində atəş açaraq 5 polis zabitini qətlə yetirməkdə şübhəli bilinənlərdən birinin kimliyi müəyyən olunub."NBC News" telekanalına istinadən veril'n məlumata görə, şübhəli şəxsin Mika Ksavyer Conson olduğu ehtimal edilir. Consonun 25 yaşı olub.
"Los Angeles Times" qəzetinin məlumatına görə, o Dallasda yaşayıb, keçmişdə heç bir cinayətdə şübhəli bilinməyib və terrorçu qruplaşmaları ilə əlaqəsi olmayıb. "Reuters"in hökümətdə olan mənbələrə istinadən verdiyi xəbərə görə isə, Conson ABŞ-ın ordu ehtiyyatına daxil olub.
Birləşmiş Ştatlarda öldürülən polis zabitlərinin sayı artdı
Dallasda toqquşmalar iki afroamerikalının öldürülməsindən sonra başlayıb. Əvvəlcə iyulun 4-də Luiziana ştatının Baton-Ruj şəhərində iki polis bir afroamerikalını yerə uzadıb, daha sonra polislərdən biri ona atəş açıb.
Səhəri gün isə analoji hadisə Minnesota ştatının Folkon-Hayts şəhərində baş verib. Bundan sonra ölkənin bir sıra şəhərində etiraz aksiyalarının keçirilməsinə başlanılıb. Dallasda aksiyalar faciə ilə nəticələnib./anspress/
