Yeni orfoqrafiya lüğəti gələn həftənin sonunda nəşr üçün təqdim ediləcək
25.09.2019 476 0.0 0

Azərbaycan dilinin yeni orfoqrafiya lüğəti gələn həftənin sonunda nəşr üçün olunmaq üçün təqdim ediləcək.

Qazeta.info bildirir ki, bunu Trend-ə Azərbaycan Milli Elmlər Akademiyasının (AMEA) Nəsimi adına Dilçilik İnstitutunun direktoru, akademik Möhsün Nağısoylu deyib.

Onun sözlərinə görə, yeni orfoqrafiya lüğətinin son versiyasına 2013-cü ildən sonra – son 6 il ərzində dilimizə daxil olan və əvvəlki lüğətdə unudulan 4000-ə yaxın söz daxil edilib. Eyni zamanda hazırkı lüğətdə mövcud olan təxminən 1000-ə yaxın söz isə lüğətdən çıxarılıb:

"Köhnə lüğətdə yaddan çıxarılan sözlər yeni lüğətə daxil edilib. Məsələn, hazırkı lüğətdə "uca" sözü yox idi. Lüğətə daxil edilən sözlərin əksəriyyəti yeni yaranan sözlərdir. Məsələn, multikulturalizm, tolerantlıq, qloballaşma, bloger, skaut kimi sözlər hazırkı lüğətdə yoxdur, ona görə də bu sözlər yeni lüğətə daxil ediləcək".

M.Nağısoylu qeyd edib ki, 2013-cü ildən sonra Dilçilik İnstitutu 3 lüğət nəşr edib. Yeni lüğətə 2500-dən çox sözdən ibarət olan "Yeni sözlər və yeni mənalar", iki cildli "Yeni terminlər" lüğətindəki sözlər də daxil ediləcək. Azərbaycan dilində iki variantda yazılan 50-yə yaxın söz isə orfoqrafiya lüğətindən çıxarılıb.

Qeyd edək ki, Azərbaycan dilinin son orfoqrafiya lüğəti 2013-cü ildə çap edilib.

Orfoqrafiya lüğəti Azərbaycan dilində sözlərin yazılışında əsas mənbə hesab edilir.


Digər xəbərlər:
Bu gün xəbər əlavə olunmayıb.
Şərhlər
avatar