Yəməndə silsilə partlayışlar nəticəsində ölənlərin sayı durmadan artır
28.06.2016 444 0.0 0

Yəmənin cənubunda törədilən silsilə partlayışlar nəticəsində ölənlərin sayı 38-ə çatıb, azı 24 nəfər yaralanıb.
 
APA-nın Reuters agentliyinə istinadən verdiyi xəbərə görə, terrorçu-kamikadzelər tərəfindən həyata keçirilən partlayışlar əl-Mukalla şəhərində qeydə alınıb.
 
Partlayışlara görə İŞİD terror qruplaşması məsuliyyəti öz üzərinə götürüb. 
 
***
 
21:17

  Yəməndə törədilən silsilə partlayışlar azı 14 nəfərin həyatına son qoyub.
 
APA-nın AFP agentliyinə istinadən verdiyi xəbərə görə, partlayışlar ölkənin cənubundakı Əl-Mukalla şəhərində qeydə alınıb.
 
İlkin məlumata əsasən, şəhərdəki nəzarət-keçid məntəqələrində üç partlayış olub. Onlardan birinin terrorçu-kamikadze tərəfindən həyata keçirildiyi bildirilir.
 
Ötən gün Yəmənin bir neçə bölgəsində baş verən silahlı toqquşmalar nəticəsində  40 nəfər ölüb.
 
Yəməndə üsyançı husilər və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar arasında münaqişə 2014-cü idən davam edir. Səudiyyə Ərəbistanın rəhbərliyi altında ərəb koalisiyası 2015-ci il, martın 26-dan Yəməndə üsyançı husilərin nəzarəti altında olan ərazilərə hava zərbələri endirir.


Digər xəbərlər:
Bu gün xəbər əlavə olunmayıb.
Şərhlər
avatar