Yəmən ərazisindən Səudiyyə Ərəbistanına ballistik raket atılıb
10.10.2017 306 0.0 0

Yəmən ərazisindən Səudiyyə Ərəbistanına ballistik raket atılıb.

 

RİA Novosti agentliyinə istinadən verilən xəbərə görə, raket Səudiyyə Ərəbistanının cənub-qərbindəki Cizan dairəsinə düşüb.

 

Dağıntı və zərərçəkənlər barədə məlumat verilmir. Rəsmi Ər-Riyaddan  yayılan məlumata dair hələ ki, şərh verilməyib.

 

Ballistik raketin Yəməndəki husi üsyançıları tərəfindən buraxıldığı ehtimal edilir. Bu ilin iyulunda Yəmən ərazisindən atılan raket Məkkə şəhəri ətrafında vurulub. 

 

Yəməndə üsyançı husilər, sabiq prezident Əli Abdulla Salehi dəstəkləyən ordu qüvvələri və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar  arasında münaqişə 2014-cü ildən davam edir. Səudiyyə Ərəbistanın rəhbərliyi altında ərəb koalisiyası 2015-ci il, martın 26-dan Yəməndə üsyançı husilərin nəzarəti altında olan ərazilərə hava zərbələri endirir./apa/


Digər xəbərlər:
Bu gün xəbər əlavə olunmayıb.
Şərhlər
avatar