Uşaqlar arasında xərçəng xəstələrinin sayı artıb - STATİSTİKA
14.06.2019 475 0.0 0

Dövlət Statistika Komitəsi onkoloji xəstələrin ümumi sayını açıqlayıb

Azərbaycanda onkoloji xəstələrin ümumi sayında artım var.

Qazeta.info xəbər veriri ki, Respublikasının Dövlət Statistika Komitəsindən Sputnik Azərbaycan-ın sorğusuna cavab olaraq bildirilib ki, 2017-ci ildə Müalicə-profilaktika müəssisələrində qeydiyyatda olan xəstələrin sayı 45 min 756, 2018-ci ildə isə bu rəqəm 48 min 685 olub. 2017-ci ildə ilk dəfə qoyulmuş diaqnozla qeydə alınmış xəstələrin sayı 11 min 192, 2018-ci ildə isə 11 min 123 olub. 2017-ci ildə bu xəstələrin 5 min 415-ni kişilər, 5 min 777-ni isə qadınlar, 2018-ci ildə belə xəstələrin 5 min 468-ni kişilər, 5 min 655-ni qadınlar təşkil edib.

 

2017-ci illə müqayisədə onkoloji xəstəliklərdən əziyyət çəkən uşaqların sayında da artım olub. Belə ki, 2017-ci ildə xərçəng xəstəsi olan 0-13 yaşlı uşaqların sayı 99, ötən il isə 103 nəfər təşkil edib. 2017-ci ildə xəstə olan 14-17 yaşlı yeniyetmələrin sayı 31, 2018-ci ildə isə 21 olub. 2017-ci illə müqayisədə 18-29 yaşlı xəstə şəxslərin sayında isə azalma olub. Belə ki, 2017-ci ildə bu yaş aralığında olan onkoloji xəstə şəxslərin sayı 279, ötən il isə 243 nəfər təşkil edib. 30-34 yaşlı onkoloji xəstə şəxslər arasında da artım nəzərə çarpır. 2017-ci ildə həmin yaş aralığında olaraq onkoloji xəstəlikdən əziyyət çəkənlərin sayı 250, ötən il isə 254 olub. 2017-ci illə müqayisədə 35-39 yaşda bu xəstəlikdən əziyyət çəkənlərin sayında isə azalma olub. Belə ki, həmin ildə 380, ötən il isə 366 nəfər onkoloji xəstəlikdən əziyyət çəkib. 2017-ci ildə 40-59 yaşlı onkoloji xəstə şəxslərin sayı 5 min 121, 60 və yaşı daha yuxarı olan onkoloji xəstələrin sayı 5 min 32 olub. Ötən il 40-59 yaşlı onkoloji xəstə şəxslərin sayı isə 4 min 836, yaşı 60 və daha yuxarı olan şəxslərin sayı isə 5 min 300 olub.

Statistika Komitəsindən Sputnik Azərbaycan-a verilən məlumata görə, onlar arasında mədə xərçəngindən əziyyət çəkənlərin sayı 2017-ci ildə 1235, ötən il isə 1 211 nəfər, traxeya, bronx və ağciyər xərçəngindən əziyyət çəkənlərin sayı 1 304, süd vəzisi xərçəngindən əziyyət çəkən şəxslərin sayı 1 967 olub. Ötən il isə mədə xərçəngindən əziyyət çəkənlərin sayı 1 211 nəfər, traxeya, bronx və ağciyər xərçəngindən əziyyət çəkənlərin sayı 1 341, süd vəzisi xərçəngindən əziyyət çəkənlərin sayı isə 1 799 olub.

 


Digər xəbərlər:
Bu gün xəbər əlavə olunmayıb.
Şərhlər
avatar