Bu gün 21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində növbəti oyununu keçirəcək.
"Report"un məlumatına görə, Rəşad Sadıqovun baş məşqçisi olduğu kollektiv səfərdə İrlandiya yığması ilə üz-üzə gələcək.
Bu matç yığmaya rəhbərlik edən R. Sadıqovun ikinci rəsmi sınağı olacaq. Bundan əvvəlki seçmə mərhələ oyununda yığma komandamız Kosovoya 0:2 hesabı ilə məğlub olub.
Qeyd edək ki, İrlandiya millisi 5-ci qrupda 5 oyundan sonra 10 xalla Kosovo ilə 2-3-cü yerləri bölüşür. Azərbaycan yığması isə 6 oyundan sonra 1 xalla sonuncudur.
Avropa çempionatı:
Seçmə mərhələ, V qrup
27 mart
22:30. İrlandiya - Azərbaycan
Hakimlər: Filip Qlova, Peter Kovaç və Yan Pozor (hamısı Slovakiya)
"Tallaght" stadionu (Dublin)
