Tramp və Zelenskinin qarşıdan gələn görüşü barədə xəbər təsdiqlənib
19.09.2019 102 0.0 0

ABŞ-ın vitse-prezidenti Mayk Penslə Ukrayna prezidenti Vladimir Zelenski arasında telefon danışığı olub.

Bu barədə RİA "Novosti"yə istinadən xəbər verilir.

Bildirilir ki, tərəflər iki ölkə arasındakı əlaqələri, həmçinin BMT Baş Assambleyasının Nyu-Yorkdakı iclasında ABŞ prezidenti ilə Ukrayna liderinin qarşıdakı görüşünü müzakirə ediblər.

"Vitse-prezident Ukrayna prezidenti Vladimir Zelenski ilə telefonla danışdı və gələn həftə onunla Nyu-Yorkda BMT-ın Baş Assambleyasında Tramp arasındakı qarşıdan gələn görüşü müzakirə etdi", - deyə ABŞ-ın vitse-prezidentinin mətbuat xidmətinin xəbərində bildirilir.

Məlumata görə, Pens danışıqda Birləşmiş Ştatların Ukraynanın müstəqilliyinə və ərazi bütövlüyünə sarsılmaz sədaqətini təsdiq edib, Ukrayna administrasiyasının qanunverici islahatlar yolu ilə korrupsiyaya qarşı mübarizədə cəsarətli hərəkətlərini yüksək qiymətləndirib, həmçinin ABŞ tərəfindən bu səylərə tam dəstəyini ifadə edib./Report/


Digər xəbərlər:
Şərhlər
avatar