Təbii fəlakət rayonu ətraf aləmdən təcrid etdi
22.08.2015 928 0
Aramsız yağan güclü leysan yağışlar və güclü külək Gürcüstanın Oni rayonunda ciddi fəsadlar yaradıb, bir neçə kənd işıqsız qalıb, körpülər uçub.
Məlumata görə, bu barədə "Rustavi 2" televiziya kanalı məlumat yayımlayıb. Məlumata görə, Böyük və Kiçik Qebi kəndlərində vəziyyət acınacaqlıdır. Sel sularının tüğyan etməsi nəticəsində kəndləri birləşdirən körpü uçub və avtomobil yolu dağılıb, kəndlər işıqsız qalıb.
Raca-Leçxumi və Aşağı Savanetiya qubernatoru Parmen Marqveladze artıq bərpa işlərinə başlanıldığını bildirib. Kəndlərə xilasedici xidmətlərin və texnikanın cəlb olunduğunu deyib.
Qubernatorun sözlərinə görə, Oni rayonunun bir neçə evlərinin damını külək aparıb və icra nümayəndəliyinin binasına zərər dəyib, uşaq bağçasının binasının üstünə ağac düşüb və elektrik naqilləri qırılıb.
Hazırda təbii fəlakətin fəsadların zərərini hesablamaq üçün xüsusi komissiya yaradılıb./apa/
Digər xəbərlər:
Bu gün xəbər əlavə olunmayıb.
Şərhlər