Tarix: 08.12.2016,   Saat: 18:10, Cümə axşamı.          

Sumqayıtda axtarışda olan dəstə üzvləri tutulub

Sumqayıtda axtarışda olan dəstə üzvləri tutulub.

 

Sumqayıt Şəhər Polis İdarəsindən verilən məlumata görə, polis əməkdaşlarının həyata keçirdikləri əməliyyat-axtarış tədbirləri nəticəsində avqustun 24-də Nəbi Qarayevə bıçaqla xəsarət yetirməkdə, qardaşları Miri və  İmranı döyməkdə şübhəli bilinən şəhər sakinləri, əvvəllər məhkum olunmuş Röyal Səfərov, Ehtiram Əliyev, Pərviz Quliyev və Bakı şəhər sakini Fərid Əsgərov tutulublar.

 

Onların ətraflarında aparılmış əməliyyat tədbirləri ilə adıçəkilən şəxslərin iyulun 25-də Sumqayıt şəhər sakini Ziyafət Novruzova bıçaqla az ağır zərər yetirmələri, 2013-cü il noyabrın 4-də Əflatun Seyidova qarşı xuliqanlıq etmələri, ötən il dekabrın 12-də Babək Allahverdiyevə bıçaqla  xəsarət yetirməklə sağlamlığına ağır zərər vurmaları, habelə yanvarın 22-də Röyal Səfərovun münaqişə zəminində Fərid Əsgərova bıçaqla xəsarət yetirməsi də müəyyənləşdirilib./apa/



  Bölmə: Gündəm | Baxış sayı: 161 | Tarix: 31.10.2016, 12:42


Xəbərlər