Sorğu: Əhalinin 81 faizi Putini dəstəkləyir
04.05.2017 692 0
Rusiya prezidenti Vladimir Putinin fəaliyyətini ölkə əhalisinin 81,6 faizi dəstəkləyir.
"lenta.ru"ya istinadən verilən məlumata görə, bu barədə İctimai Fikrin Öyrənilməsi üzrə Ümumrusiya Mərkəzinin apardığı sorğuda göstərilir. Sorğu bu ilin 24-30 aprel tarixlərini əhatə edir. Martın sonu, aprelin əvvəlində bu rəqəm 82,7 faiz, aprelin ortalarında isə 80,9 faiz olub.
Baş nazir Dmitri Medvedevin fəaliyyətini sorğuda iştirak edən 4 min 200 vətəndaşdan 52,1 faizi dəstəkləyib. Hökumətin işini ümumilikdə 56 faiz respondent qənaətbəxş sayır.
Sorğuda iştirak edən rusiyalıların 48,7 faizi Vladimir Putinə, 16,1 faizi Dmitri Medvedevə, 15,8 faizi isə müdafiə naziri Serqey Şoyquya etibar etdiklərini bildiriblər. /apa/
Digər xəbərlər:
Bu gün xəbər əlavə olunmayıb.
Şərhlər