Sorğu: Amerikalıların 68 faizi başqa planetlərdə həyatın olduğuna inanır
14.02.2018 846 0.0 0

Amerikalıların 68 faizi başqa planetlərdə həyatın olduğuna inanır.

Qazeta.info Trend-in məlumatına əsasən bildirir ki, bu barədə "Marist Institute for Public Opinion (Marist)" tədqiqat xidmətinin keçirdiyi sorğunun nəticələrində bildirilir.

Tədqiqatçılar qeyd edir ki, 2005-ci illə müqayisədə digər planetlərdə həyatın olduğuna inananların sayl 16 faiz artıb. Sorğunun nəticələrinə əsasən, sorğuda iştirak edənlərin 55 faizi hesab edir ki, "yadplanetlilər bizi daha tez tapacaqlar, nəinki biz onları".

42 faizin fikrinə görə, yadplanetlilər insanlardan daha çox inkişaf edib. 31 faiz hesab edir ki, yadplanetlilər və insanlar arasında intellektual səviyyəyə görə böyük fərq yoxdur. 13 faiz bildirir ki, yadplanetlilər intellektual səviyyəyə görə insanlardan geri qalır.

Sorğuda iştirak edənlərin 11 faizi bildirib ki, yadplanetlilər artıq bizi tapıb.

Qeyd edək ki, 29-31 yanvar tarixlərində keçirilən sorğuda 1003 nəfər iştirak edib.


Digər xəbərlər:
Bu gün xəbər əlavə olunmayıb.
Şərhlər
avatar