Əsəd: `Ər-Riyad İranla münasibətlərin pozulması müqabilində Suriyaya yardım vəd etmişdi`
14.10.2016 554 0
Suriya prezidenti Bəşər Əsəd Səudiyyə Ərəbistanının Dəməşqin İranla münasibətləri pozacağı təqdirdə ona dəstək vəd etdiyini bildirib.
“RİA Novosti”yə istinadən verilən xəbərə görə, bunu Bəşər Əsəd “Komsomolskaya pravda”ya müsahibəsində bildirib.
“Onlar dedilər ki, əgər biz İrandan üz çevirsək, Tehranla hər hansı münasibətlərdən imtina etsək, bizə kömək edəcəklər. Onlar bunu çox sadə və birbaşa dedilər”.
Əsədin sözlərinə görə, bu təklif ona Suriyada münaqişə başladıqdan sonra edilib.
“Təkliflər böhrandan sonra edilməyə başlayıb. Çünki düşmənlərimiz böhrandan şantaj üçün istifadə etmək istəyirdilər. Dedilər ki, onların istədiyini etsək, bizə kömək edəcəklər”, - deyə o əlavə edib./apa/
Digər xəbərlər:
Bu gün xəbər əlavə olunmayıb.
Şərhlər