Rusiyanın ticarət mərkəzlərindən birində terror hücumunun qarşısı alınıb
10.04.2018 410 0.0 0

 Rusiya Federal Təhlükəsizlik Xidmətinin (FTX) əməkdaşları Saratovdakı ticarət mərkəzlərindən birində terror hücumunun qarşısını alıblar.

RİA "Novosti"yə istinadən xəbər verilir ki, bu barədə FTX-nın direktoru Aleksandr Bortnikov bildirib.

Onun sözlərinə görə, Rusiyanın FTX ilin əvvəlindən bəri hazırlıq mərhələsində olan altı terror aktının, o cümlədən seçki məntəqələrində və ticarət mərkəzində planlaşdırılan aktın qarşısını alıb.

"Martda Saratov vilayətində İŞİD terror qruplaşmasının yuvasının üzvləri ticarət mərkəzlərindən birində terror aktı törətməyi planlaşdıran zaman məhv edilib. Onların üzərindən silah, təxminən, 3 kq trotil ekvivalentdə əldəqayırma partlayıcı qurğu aşkar edilib", - A.Bortnikov deyib.

O qeyd edib ki, son dövrlərdə FTX 12 terror yuvasının fəaliyyətini dayandırıb, 188 nəfər saxlanılıb və 12 nəfər neytrallaşdırılıb./Report/


Digər xəbərlər:
Bu gün xəbər əlavə olunmayıb.
Şərhlər
avatar