Tarix: 08.12.2016,   Saat: 18:11, Cümə axşamı.          

Ərini öldürən qadın və tanışının vəkilləri barədə Vəkillər Kollegiyasına müraciət olunacaq

Bu gün Bakı Ağır Cinayətlər Məhkəməsində həyat yoldaşını öldürməkdə təqsirləndirilən Lalə Mahmudova və tanışı Sədi Məmmədovun cinayət işi üzrə məhkəmə prosesi təxirə düşüb.

 

Məlumata görə, hakim Əfqan Hacıyev bildirib ki, vəkillər iclasa gəlmədikləri üçün onlar barədə ölçü götürülməsi üçün Vəkillər Kollegiyasına müraciət ediləcək.

 

Buna görə proses noyabrın 14-dək təxirə düşüb.

 

Qeyd edək ki, Kamran Mahmudov ötən il sentyabrın 26-da qətlə yetirilib. Keçirilən əməliyyat-axtarış tədbirləri nəticəsində cinayətin S. Məmmədov və L. Mahmudovanın birgə törətdiyi müəyyənləşib, hər iki şəxs ötən il oktyabrın 3-də tutularaq istintaqa cəlb olunub. Məlum olub ki, S. Məmmədov K. Mahmudovu odlu silahla qətlə yetirib, meyitini L. Mahmudova ilə birlikdə bıçaqla hissələrə bölərək, özünə məxsus "BMW" markalı avtomobillə İsmayıllı rayonuna aparıb, orada qardaşı Əli Məmmədovun evinin həyətində basdırıb.

 

Faktla bağlı Cinayət Məcəlləsinin 120.2.1-ci (qabaqcadan əlbir olan bir qrup şəxs tərəfindən qəsdən adam öldürmə) maddəsi ilə cinayət işi başlanıb.

 

L. Mahmudova Bakıdakı xəstəxanalardan birində tibb bacısı işləyib, K. Mahmudovun isə bizneslə məşğul olub./apa/



  Bölmə: Ölkə | Baxış sayı: 393 | Tarix: 08.11.2016, 16:48


Xəbərlər